ပြည်တွင်းဘဏ်အသစ်ငါးခု ထပ်မံဖွင့်ခွင့်ပြုမည်

javascript

နိုင်ငံတော်သမ္မတရုံးက ပြည်တွင်းဘဏ်အသစ်ငါးခုကို ထပ်မံခွင့်ပြုရန် ဗဟိုဘဏ်အား ညွှန်ကြားခဲ့ကြောင်း ဗဟိုဘဏ်ဒုတိယဥက္ကဋ္ဌ ဦးစိုးသိန်းက ပြောသည်။ ယခုထပ်မံခွင့်ပြုမည့် ဘဏ်ငါးခုသည် ဘဏ်ဖွင့်ခွင့်ရရန် အချိန်ကြာမြင့်စွာလျှောက်ထားခဲ့ပြီး ဒီဇင်ဘာ ၁ရက်တွင် သမ္မတရုံးက ဗဟိုဘဏ်သို့ ဘဏ်ဖွင့်လှစ်နိုင်ရေး ဆက်လက်ဆောင်ရွက်ရန် ညွှန်ကြားစာ ရောက်လာကြောင်း ၎င်းက ဆက်လက်ပြောကြားသည်။ ‘‘ဘဏ်အသစ်ဆိုတာထက် ဟိုးကတည်းက Process (ဘဏ်ဖွင့်ခွင့်လျှောက်ထားမှု)လုပ်နေတဲ့ ဘဏ်တွေပါ။ ဘဏ်တွေဖွင့်တာ မြန်မာ့စီးပွားရေးကို တစ်နည်းတစ်ဖုံတော့ အထောက်အကူပြုလာမယ်’’ဟု ဗဟိုဘဏ်ဒုဥက္ကဋ္ဌ ဦးစိုးသိန်းက 7Day Daily သတင်းစာအား ပြော သည်။ အသစ်ခွင့်ပြုမည့် ဘဏ် များမှာ Myanmar Tourism Bank (မြန်မာ့ခရီးသွားလုပ်ငန်း ဘဏ်)၊ Mineral Development Bank (သတ္တုလုပ်ငန်းဖွံ့ဖြိုးရေး ဘဏ်)၊ Glory Farmer Develo-pment Bank (ဂုဏ်ထူးဆောင် တောင်သူလယ်သမားဖွံ့ဖြိုးတိုး တက်ရေးဘဏ်)၊ Mandalay Farmer Development Bank (မန္တလေးလယ်သမားများဖွံ့ဖြိုး တိုးတက်ရေးဘဏ်)နှင့် Shwe Nann Saw Bank (ရွှေနန်းစော ဘဏ်)တို့ ဖြစ်ကြောင်း ဘဏ်လုပ် ငန်းရှင်များက ဆိုသည်။

မြန်မာ့ခရီးသွားလုပ်ငန်း ဘဏ်သည် ဒီဇင်ဘာ ၁ရက်တွင်သမ္မတရုံးကခွင့်ပြုချက်ရခဲ့ကြောင်းမြန်မာနိုင်ငံခရီးသွားလုပ်ငန်းအဖွဲ့ချုပ် အတွင်းရေးမှူး ဦးကြည်သိန်းက ပြောသည်။ ခရီးသွားကဏ္ဍတွင် ဟိုတယ်လုပ်ငန်းနှင့် ခရီးသွားလုပ်ငန်းများအတွက် ငွေကြေးဆိုင်ရာ အထောက်အကူ ပြုရန်ဖြစ်ကြောင်း ၎င်းက ပြောသည်။ ‘‘ရုံးချုပ်ကတော့ ရန်ကုန်မှာ ပေါ့။ နေပြည်တော်နဲ့ မန္တလေးမှာ ဘဏ်ခွဲဖွင့်မယ်။ နိုင်ငံခြားဘဏ် တွေနဲ့ ချိတ်ဆက်ပြီး ပြည်တွင်းက ခရီးသွားလုပ်ငန်းတွေ ချေးငွေရ အောင် လုပ်ပေးသွားမယ်’’ဟု ၎င်းက ဆက်လက်ပြောကြားသည်။ အဆိုပါဘဏ်များဖွင့်လှစ် ရန် ဘဏ်တစ်ခုလျှင် ကျပ်ဘီလီယံ ၂၀ ဖြင့် မတည်ရမည် ဖြစ်သည်။ လက်ရှိတွင် ဗဟိုဘဏ်က ခွင့်ပြုထားသော ပြည်တွင်းဘဏ် ၂၄ ခုနှင့် နိုင်ငံခြားဘဏ်ခွဲ ၁၃ခုရှိသည်။

Source : 7Daydaily

Facebook comments