သီလ၀ါ အထူးစီးပွားရေးဇုန်တွင် နိုင်ငံခြား ရင်းနှီးမြှုပ်နှံမှု ဒေါ်လာ ၁၂၂ သန်းကျော် ၀င်ရောက်

javascript
ရန်ကုန်တိုင်း ဒေသကြီးအတွင်း အကောင်အထည် ဖော်ထားသည့် သီလ၀ါ အထူး စီးပွားရေးဇုန်တွင် ၂၀၁၇-၂၀၁၈ ဘဏ္ဍာနှစ် နှစ်လနီးပါး ကာလအ တွင်း နိုင်ငံခြားရင်းနှီး မြှုပ်နှံမှုပမာဏ အမေရိကန်ဒေါ်လာ ၁၂၂ သန်းကျော် ၀င်ရောက်မြှုပ်နှံထားကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီး ဌာနမှ သိရသည်။

၂၀၁၇-၂၀၁၈ ဘဏ္ဍာနှစ်အတွင်း အထူးစီးပွားရေးဇုန် ဥပဒေအရ သီလ၀ါ အ ထူးစီးပွားရေးဇုန်တွင် ရင်းနှီးမြှုပ်နှံမှု ပမာဏ အမေရိကန်ဒေါ်လာ ၁၉ ဒသမ ၅ သန်း ခွင့်ပြုခဲ့ကြောင်း မြန်မာနိုင်ငံ ရင်းနှီးမြှုပ်နှံမှု ကော်မရှင်၏ အစည်းအေ ၀း အမှတ်စဉ် (၈/၂၀၁၇) အရ သိရသည်။

“ဒီနှစ်ထဲမှာ သီလ၀ါ အထူးစီးပွားရေးဇုန်အတွက် ခွင့်ပြုပေးလိုက်တဲ့ နိုင်ငံခြား ရင်းနှီးမြှုပ်နှံမှု ပမာဏက ဒေါ်လာ ၁၉ ဒသမ ၅ သန်း ခွင့်ပြုခဲ့တယ်။ ယခင် ခွင့်ပြုပြီးသားတွေကနေ ရင်းနှီးမြှုပ်နှံမှု တိုးမြှင့်တဲ့ ပမာဏတွေနဲ့ဆိုရင် ဒီနှစ်ထဲ မှာ ရင်းနှီးမြှုပ်နှံမှု ပမာဏ ဒေါ်လာ ၁၂၂ ဒသမ ၅၈ သန်းအထိ ရှိနေပါပြီ” ဟု ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာနမှ တာဝန်ရှိသူ တစ်ဦး က ပြောကြားသည်။

၂၀၁၆-၂၀၁၇ ဘဏ္ဍာနှစ်အတွင်း သီလ၀ါ အထူးစီးပွားရေးဇုန်သို့ နိုင်ငံခြား ရင်းနှီးမြှုပ်နှံမှုပမာဏ ဒေါ်လာ ၂၆၂ ဒသမ ၅၈၈ သန်း ၀င်ရောက်ခဲ့ကြောင်းနှ င့် သီလ၀ါ အထူးစီးပွားဇုန် စတင်ဖွင့်လှစ်သည်မှ လက်ရှိအချိန်အထိ နိုင်ငံခြား ရင်းနှီးမြှုပ်နှံမှု စုစုပေါင်း ဒေါ်လာ ၉၇၄ ဒသမ ၀၆၃ သန်း ၀င်ရောက်ထား ပြီဖြစ်ကြောင်း၊ ယင်းတို့မှာ မြန်မာနိုင်ငံ ရင်းနှီးမြှုပ်နှံမှု ကော်မရှင်မှ ခွင့်ပြုပေး လိုက်သည့် ပမာဏဖြစ်ပြီး အဆိုပါ ပမာဏများမှ ရင်းနှီးမြှုပ်နှံမှု တိုးမြှင့်သည့် ပမာဏ အပါအ၀င် ဆိုပါက ဒေါ်လာ ၉၇၄ သန်းထက်ပင် ပိုများနိုင်ကြောင်း သိရသည်။
သီလ၀ါ အထူးစီးပွားရေးဇုန်တွင် နိုင်ငံပေါင်း ၁၆ နိုင်ငံမှ ကုမ္ပဏီပေါင်း ၇၈ ခုက ၎င်းတို့၏ စက်ရုံများ ကုန်ထုတ်လုပ်ခြင်းနှင့် ထောက်ပံ့ ပို့ဆောင်ရေးဆိုင် ရာ လုပ်ငန်းများအတွက် သီလ၀ါ အထူးစီးပွားရေးဇုန် နေရာကို မျက်စိကျ ကာ ရွေးချယ်ခဲ့ကြပြီး ယခုအခါတွင် ထို ၇၈ ကုမ္ပဏီထဲမှ ၂၄ ခုမှာ စတင် လည်ပတ် လုပ်ကိုင်နေပြီဖြစ်ကြောင်း သီလ၀ါ အထူးစီးပွားရေးဇုန် စီမံခန့်ခွဲ မှုကော်မတီ၊ ဥက္ကဋ္ဌ ဦးဆက်အောင်က ဖေဖော်ဝါရီ ၂၄ ရက်က ကျင်းပသည့် သီလ၀ါ အထူးစီးပွားရေးဇုန် Zone B ၏ ပထမအဆင့် ၁၀၁ ဟက်တာ စီမံ ကိန်း တည်ဆောက်မှု စတင်ဖွင့်လှစ်ခြင်း အခမ်းအနားတွင် ပြောကြားသည်။

သီလ၀ါ အထူးစီးပွားရေးဇုန် တစ်ခုလုံးတွင် အကောင်အထည်ဖော်မည့် ဧရိ ယာမှာ ဟက်တာ ၂၄၀၀ ရှိပြီး Zone A တွင် ဟက်တာ ၄၀၀ ပါဝင်ကြောင်း၊ လက်ရှိအချိန်၌ Zone A မှာ ၉၆ ရာခိုင်နှုန်း ပြီးစီးနေပြီဖြစ်သည်။ Zone A ၏ တည်ဆောက်ရေး လုပ်ငန်းများ ပြီးစီးသဖြင့် Zone B ထပ်မံတည်ဆောက်ရန် ၁၀၁ ဟက်တာ စီမံကိန်းတည်ဆောက်မှု စတင်တော့မည်ဖြစ်သည်။

သီလ၀ါ အထူးစီးပွားရေးဇုန် Zone B ၏ ပထမအဆင့် ၁၀၁ ဟက်တာ (ဧက ၂၅၀) ကို ၂၀၁၈ ခုနှစ် နှစ်လည်ပိုင်းတွင် တည်ဆောက်မှု ပြီးစီးရန် မျှော် မှန်း ထားပြီး အချို့သော မြေနေရာများကိုမူ ၂၀၁၇ ခုနှစ် နှောင်းပိုင်းလောက် က တည်းက ရင်းနှီးမြှုပ်နှံသူများ အနေဖြင့် ငှားရမ်းနိုင်မည် ဖြစ်ကြောင်း သိရ သည်။

Source : Eleven Media Group

Facebook comments