နိုင်ငံခြားငွေလဲနှုန်း ဇန်န၀ါရီ ၁၄ ရက်နောက်ပိုင်း အနိမ့်ဆုံးနှုန်းအဖြစ် ၁၃၄၉ ကျပ်အထိ ဆက်လက်ကျဆင်း

javascript

ကမ္ဘာ့ဈေးကွက်အတွင်း ဒေါ်လာဈေး အညွှန်းကိန်း ကျဆင်းလာရာ ပြည်တွင်းဈေးကွက်တွင် နိုင်ငံခြားငွေလဲနှုန်းသည် ဇန်န၀ါရီ ၁၄ ရက်နောက်ပိုင်း အနိမ့်ဆုံးနှုန်းထားအဖြစ် ၁၃၄၉ ကျပ်အထိ ဆက်လက်ကျဆင်းခဲ့ကြောင်း ဈေးကွက်အတွင်း နိုင်ငံခြားငွေကြေး ရောင်းဝယ်သူများထံမှ သိရသည်။

ကမ္ဘာ့ဒေါ်လာဈေး အညွှန်းကိန်းသည် အမေရိကန်ရွေးကောက်ပွဲရလဒ် ထွက်ပေါ်ပြီးနောက်ပိုင်း အနိမ့်ဆုံး ကျဆင်းမှုအဖြစ် မတ် ၂၇ ရက်တွင် ၉၈ ဒသမ ၆၈ ပွိုင့်အထိ ကျဆင်းခဲ့ပြီးနောက် ပြန်လည်မြင့်တက်ခဲ့သော်လည်း ဧပြီလအတွင်း ပြန်ကျလာရာ ဧပြီ ၁၉ ရက်တွင် ၉၉ ဒသမ ၃၇ ပွိုင့်အထိ ရောက်ရှိခဲ့သည်။ ကမ္ဘာ့ဒေါ်လာဈေး အညွှန်းကိန်းသည် ဧပြီ ၁၀ ရက်တွင် ၁၀၁ ဒသမ ၂၂ ပွိုင့်အထိ မြင့်တက်ခဲ့ပြီးနောက် ဧပြီ ၁၃ ရက်နှင့် ၁၇ ရက်တို့တွင် ၉၉ ဒသမ ၉၆ ပွိုင့်အထိ ရောက်ရှိခဲ့ကာ ဧပြီ ၁၈ ရက်တွင် ၁၀၀ ဒသမ ၂၂ ပွိုင့် ၀န်းကျင်သို့ ပြန်တက်ခဲ့သော်လည်း ဧပြီ ၁၉ ရက်တွင် ၉၉ ဒသမ ၃၇ ပွိုင့်အထိ ကျဆင်းခဲ့ခြင်းဖြစ်သည်။

ပြီးခဲ့သော ၂၀၁၆ ခုနှစ် အောက်တိုဘာလတွင် ဒေါ်လာဈေး အညွှန်းကိန်း ၉၅၊ ၉၆ ပွိုင့် ၀န်းကျင်သာ ရှိခဲ့ပြီး နိုဝင်ဘာလတွင် ပြုလုပ်သော အမေရိကန်ရွေးကောက်ပွဲနောက်ပိုင်း ဒေါ်လာဈေး မြင့်တက်ခဲ့ရာ ဒီဇင်ဘာ ၂၀ ရက်တွင် ၁၀၃ ဒသမ ၅၀ ပွိုင့်အထိ မြင့်တက်ခဲ့သည်။ ယင်းနောက်ပိုင်း အနိမ့်ဆုံး ကျဆင်းမှုအဖြစ် မတ် ၂၇ ရက်တွင် ၉၈ ဒသမ ၆၈ ပွိုင့်အထိ ရောက်ရှိခဲ့ခြင်းဖြစ်ပြီး ဧပြီ ၁၈ ရက်အထိ ဖြစ်ပေါ်သော အမြင့်ဆုံးညွှန်းကိန်းမှာ ၁၀၁ ဒသမ ၂၂ ပွိုင့် (ဧပြီ ၁၀ ရက်) ဖြစ်သည်။

မတ်လဆန်းအထိ ကမ္ဘာ့ဈေးကွက်တွင် ဒေါ်လာဈေးအညွှန်းကိန်း မြင့်တက်ခဲ့သော်လည်း မတ် ၁၅ ရက်နောက်ပိုင်းတွင် ဈေးနှုန်း သိသိသာသာ ကျဆင်းခဲ့သည်။ ထိုသို့ ကမ္ဘာ့ဈေးကွက်တွင် ဒေါ်လာဈေးအညွှန်းကိန်း ကျဆင်းနေသော်လည်း ပြည်တွင်းဈေးကွက်တွင် မတ် ၂၂ ရက်အထိ တစ်ဒေါ်လာ ၁၃၆၂ ကျပ်ဝန်းကျင်တွင် ဆက်လက်ရှိနေဆဲဖြစ်သည်။ မတ် ၁ ရက်တွင် တစ်ဒေါ်လာ ကျပ် ၁၃၆၀ ၀န်းကျင်တွင်ရှိသော နိုင်ငံခြားငွေလဲနှုန်းသည် မတ် ၇ ရက်တွင် ၁၃၅၅ ကျပ်အထိ ကျဆင်းခဲ့ပြီး မတ် ၉ ရက်တွင် ကျပ် ၁၃၇၀ အထိ ပြန်လည်မြင့်တက်ခဲ့သည်။

မတ် ၁၆ ရက်တွင် တစ်ဒေါ်လာ ၁၃၆၅ ကျပ်ဝန်းကျင် ဖြစ်ပေါ်ခဲ့ပြီး ယင်းနောက်ပိုင်း မတ် ၂၇ ရက်အထိ တစ်ဒေါ်လာလျှင် အမြင့်ဆုံး ၁၃၆၆ ကျပ်၊ အနိမ့်ဆုံး ကျပ် ၁၃၆၀ ကြားတွင်သာ ဆက်လက်တည်ရှိခဲ့ခြင်းဖြစ်ကာ မတ် ၂၈ ရက်တွင် ၁၃၅၇ ကျပ်အထိ၊ ဧပြီ ၄ ရက်တွင် ၁၃၅၄ ကျပ်အထိ ကျဆင်းခဲ့သည်။ ထို့နောက် ဧပြီ ၆ ရက်တွင် ကျပ် ၁၃၆၂ အထိ ပြန်တက်ခဲ့ပြီး ဧပြီ ၇ ရက်မှ ၁၀ ရက်အထိ ၁၃၆၁ နှင့် ၁၃၅၉ ကျပ်ကြားတွင်သာ တည်ရှိနေခြင်းဖြစ်သည်။ ဧပြီ ၁၁ ရက်တွင် ၁၃၅၆ ကျပ်၊ ဧပြီ ၁၂ ရက်တွင် ၁၃၅၅ ကျပ် ဖြစ်ပေါ်ခဲ့ပြီး ဧပြီ ၁၃ ရက်မှ ၁၇ ရက်အထိ ပြည်တွင်းဈေးကွက် သင်္ကြန်ကာလ ပိတ်ခဲ့ရာ ကမ္ဘာ့ဒေါ်လာဈေး ကျဆင်းနေခြင်းကြောင့် ဧပြီ ၁၈ ရက်တွင် တစ်ဒေါ်လာ ၁၃၅၁ ကျပ်အထိ၊ ဧပြီ ၁၉ ရက်တွင် တစ်ဒေါ်လာ ၁၃၄၉ ကျပ်အထိ ဆက်လက်ကျဆင်းလာခဲ့သည်။

ဈေးကွက်အတွင်း ဒေါ်လာဈေး ကျဆင်းမှုကြောင့် ဗဟိုဘဏ်က ၎င်း၏ ရည်ညွှန်းနိုင်ငံခြားငွေလဲနှုန်းကို ဧပြီ ၁၉ ရက်၌ တစ်ဒေါ်လာ ၁၃၅၆ ကျပ်အဖြစ် လျှော့ချသတ်မှတ်ခဲ့သည်။

Source : Eleven Media group

Facebook comments