တန်ဖိုးမြင့် အခွန်တံဆိပ်ခေါင်းများ ထုတ်မည်

javascript

ရွှေထည်လက်ဝတ်ရတနာများကို ဧပြီလမှစ၍ အခွန်ကောက်မည်ဖြစ်ရာ ယင်းအတွက် တန်ဖိုးမြင့် တံဆိပ်ခေါင်းများ ဖြစ်သည့် ကျပ်ငါးထောင်တန်နှင့် တစ်သောင်းတန်များကို ထုတ်မည်ဖြစ်ကြောင်း ပြည်တွင်းအခွန်များ ဦးစီးဌာနမှ ညွှန်ကြားရေးမှူးချုပ် ဦးမင်းထွဋ်က ပြောကြားသည်။

“အခွန်စကောက်မယ့် ဧပြီလ ၁ ရက်နေ့အမီ ထုတ်နိုင်မှာ မဟုတ်ဘူး။ ဧပြီလအတွင်း သုံးနိုင်အောင်တော့ ထုတ်မယ်။ ဘယ်လောက်ပမာဏ ထုတ်မယ်ဆိုတာတော့ မပြောနိုင်သေးဘူး။ တံဆိပ်ခေါင်းတွေ မရခင် အချိန်အထိတော့ အရင်နည်းအတိုင်းပဲ အခွန်ကောက်မယ်” ဟု ၎င်းင်းကဆိုသည်။

တန်ဖိုးမြင့် တံဆိပ်ခေါင်း ထုတ်လုပ်မှသာ ရွှေအရောင်းအဝယ်အတွက် အဆင်ပြေနိုင်မည်ဖြစ်ပြီး ရိုးရိုးတံဆိပ်ခေါင်းများ အသုံးပြုပါက ပမာဏအနည်းငယ် ဝယ်ယူသူများအတွက် အဆင်ပြေနိုင်သော်လည်း ဘောက်ချာတွင် တံဆိပ်ခေါင်းများ ရာနှင့်ချီ ကပ်ရမည်ဖြစ်ကာ အခွန်တွက်ချက်ရာတွင်လည်း အမှားများ ဖြစ်နိုင်ကြောင်း ရွှေလုပ်ငန်းရှင် ဦးဌေးလွင်က ပြောကြားသည်။
ရွှေအခွန်မှာ ယခင်ကုန်သွယ်လုပ်ငန်းခွန် ဥပဒေ ထွက်ရှိပြီးတည်းက ဝယ်ယူသူများက မဆောင်သော်လည်း လုပ်ငန်းရှင်များက ပေးဆောင်ရကြောင်း၊ ၂၀၁၇ ခုနှစ် အခွန်အကောက် ဥပဒေတွင် ရွှေနှင့် လက်ဝတ်ရတနာများမှာ အခွန်ဆောင်ရမည် ဟူသည့် အပိုဒ်တစ်ပိုဒ် သီးသန့်ထည့်လိုက်သောကြောင့် ဝယ်ယူသူများက တိုက်ရိုက်ပေးဆောင်ရခြင်း ဖြစ်ကြောင်း ၎င်းက ရှင်းပြသည်။

ဧပြီလ ၁ ရက်နေ့မှစ၍ ရွှေထည်လက်ဝတ်ရတနာများအပေါ်တွင် အခွန်တစ်ရာခိုင်နှုန်း ကောက်ခံမည်ဖြစ်ပြီး အခေါက်ရွှေတုံးများအပေါ်တွင် အခွန်ငါးရာခိုင်နှုန်းကောက်မည် ဖြစ်သည်။

Source : The Voice

Facebook comments