ခွင့်ပြုချက်မရဘဲ ဆောက်လုပ်ထားသည့် အဆောက်အအုံများအတွက် လာမည့် ဧပြီ ၁ ရက်က စတင်၍ ဒဏ်ကြေးငွေတိုးမြှင့်ကောက်ခံမည်

javascript
မန္တလေးမြို့တွင် မြို့ တော်စည်ပင်၏ ခွင့်ပြုချက်မရရှိမီ အဆောက်အအုံများ ကြိုတင် ဆောက်လုပ်မှုများကို လာမည့် ဧပြီ ၁ ရက်က စတင်ကာ ဒဏ် ကြေး တိုးမြှင့်ကောက်ခံမည်ဖြစ် ကြောင်း သတင်းရရှိသည်။

ခွင့်ပြုချက်မရမီ ကြိုတင်ဆောက်လုပ်သည့် အဆောက်အအုံအပေါ် မူတည်၍ အာရ်စီအဆောက်အအုံ တစ်စတုရန်းပေ လျှင် ၂၀၀ ကျပ်မှ ၁၅,၀၀၀ ကျပ်သို့လည်းကောင်း၊ နံကပ်အဆောက်အအုံ တစ်စတုရန်းပေ လျှင် ၁၅၀ ကျပ်မှ ၁၀,၀၀၀ ကျပ်သို့လည်းကောင်း၊ ကျန်အဆောက်အအုံ တစ်စတုရန်းပေ လျှင် ၁၀၀ ကျပ်မှ ၈,၀၀၀ ကျပ်သို့ လည်းကောင်း၊ စီးပွားရေး/ကန် ထရိုက်အဆောက်အအုံတစ်စတု ရန်းပေလျှင် ၄၀၀ ကျပ်မှ ၁၅,၀၀၀ကျပ်သို့လည်းကောင်း ဒဏ်ကြေးများ တိုးမြှင့်ကောက်ခံမည်ဖြစ် ကြောင်း မန္တလေးမြို့တော်စည် ပင်သာယာရေးကော်မတီ အဆောက်အအုံနှင့် ကုန်ရုံဌာနက
ဖေဖော်ဝါရီ ၃ ရက်တွင် ထုတ်ပြန်ကြေညာသည်။

ဆောက်လုပ်ရာ၌ ခွင့်ပြုပုံစံထက် ကျော်လွန် ဆောက်လုပ်မှုများကို ဒဏ်ကြေးတိုးမြှင့်ကောက် ခံမည်ဖြစ်ပြီး ကြိုဆောက်ဒဏ် ကြေးများနှင့် နှုန်းတူကောက်ခံ မည်ဖြစ်ကြောင်း မန္တလေးမြို့တော် စည်ပင်တာဝန်ရှိသူများက ပြောသည်။
‘‘အရင်က တစ်ပေပတ်လည် ၂၀၀ ဆိုတော့ ဆောင်တာပေါ့ဗျာ။ ဘာမှမကျတာကိုး။ ဒဏ်ကြေးခွန် ရဖို့ထက် စည်းကမ်းတိုင်းသွားစေချင်လို့ ဒါကိုလုပ်တာပေါ့’’ဟု အဆောက်အအုံနှင့်ကုန်ရုံဌာန ဌာန မှူးဦးဇော်ဝင်းကပြောကြားသည်။

အဆောက်အအုံ တည်ဆောက်မည့်သူများအနေဖြင့် အ ဆောက်အအုံ၏အမြင့်ကို ဌာနက သတ်မှတ်ပေးသည့် အမြင့်အ တိုင်းဆောက်ရန်၊ တည်ဆောက် မည့်အခြေခံအစီအစဉ်များကို ဌာနသို့ ဦးစွာတင်ပြရန်၊ စီးပွားရေးလုပ်ကိုင်မည့် အဆောက်အအုံများ၊ အရောင်းပြခန်းများ တည်ဆောက်လိုပါက စားသုံးသူများ၏ မော်တော်ယာဉ်များ၊ စက်တပ် ယာဉ်များထားရန် နေရာများကိုပါ ထည့်သွင်းတွက်ချက်ရန်၊ မီးဘေး အန္တရာယ် ကာကွယ်နိုင်မည့် အ ဆောက်အအုံအတွင်း မီးသတ် ပိုက်များထားရှိရန်၊ ဟိုတယ်၊ ဆေးရုံ၊ ဆေးပေးခန်း၊ တည်းခိုခန်းများတည်ဆောက်ရာတွင် ကားရပ် နားရန်နေရာများပါ ထည့်သွင်း တွက်ချက်ရန် မန္တလေးမြို့တော် စည်ပင်ကစည်းကမ်းသတ်မှတ်ထားကြောင်း သတင်းရရှိသည်။

Source: 7daydaily

Facebook comments