ပြည်တွင်းအမေရိကန်ဒေါ်လာဈေးကွက် တည်ငြိမ်လာစေဖို့ မျှော်လင့်

javascript

ပြည်တွင်းအမေရိကန်ဒေါ်လာဈေးကွက် တည်ငြိမ်လာစေဖို့ မျှော်လင့်

 

အမေရိကန်ဒေါ်လာဈေး မြင့်တတ်မှုကြောင့် အိမ်ခြံမြေဈေးကွက်အတွင်း သိသိ

သာသာပြောင်းလဲသက်ရောက်မှု မရှိနိုင်သော်လည်း ဆောက်လုပ်ရေးပစ္စည်းများ

တင်သွင်းမှုများနှင့် ဆောက်လုပ်ရေးလုပ်ငန်းများအနေဖြင့် ရင်းနှီးမြှုပ်နှံမှု ပမာဏ

မြင့်တတ်လာ၍ အနည်းနှင့်အများအခက်အခဲကြုံတွေ့နိုင်ဖွယ်ရှိကြောင့် အိမ်ခြံမြေ

ဈေးကွက် ကျွမ်းကျင်သူများမှ သုံးသပ်ပြောကြားသည်။

 

ဒေါ်လာဈေးမြင့်တက်ခြင်း အကျိုးဆက်ကြောင့် စားသောက်ကုန်၊ လူသုံးကုန်အချို့

ဈေးနှုန်းမြင့်တတ်ခြင်းများရှိနေပြီး သွင်းကုန်တင်သွင်းမှုအချို့အား ကန့်သတ်ရပ်ဆိုင်း

ထားရသည့် အခြေအနေရှိနေသည်။ နိုင်ငံခြားငွေ လဲလှယ်မှုနှုန်းထားကို လက်ရှိ

နိုင်ငံတော်အစိုးရမှ တိုက်ရိုက်ထိန်းချုပ်၍ မရနိုင်သော်လည်း မူဝါဒပိုင်းဆိုင်ရာများ

ဖြင့် ဖြေရှင်းနိုင်မည်ဖြစ်ကြောင်း ပြည်သူ့လွှတ်တော်၊ ဘဏ်များနှင့်ငွေကြေးဆိုင်ရာ

ဖွံ့ဖြိုးတိုးတက်ရေးကော်မတီအတွင်းရေးမှူး ဦးတင်ထွန်းနိုင်က ပြောကြားခဲ့သည်။

 

ငွေကြေးဈေးနှုန်း မတည်မငြိမ်ဖြစ်နေမှုများကို ဖြေရှင်းရန် လုပ်ဆောင်မှုများအဖြစ်

သွင်းကုန်လုပ်ငန်းရှင်များ အ၀ယ်ရပ်ထားခြင်း၊ နိုင်ငံခြားဘဏ်အချို့တွင် ကုန်သွယ်

လုပ်ငန်းရှင်များအား နိုင်ငံခြားငွေစာရင်း ဖွင့်ခွင့်ပြုရန် စီစဉ်ခြင်း၊ လုပ်ငန်းရှင်များ

အတွက် ဒေါ်လာငွေဖြင့် ချေးငွေပေးအပ်နိုင်ရန် စီစဉ်ခြင်း၊ နိုင်ငံရပ်ခြားမှ အလုပ်လုပ်

နေသူများအနေဖြင့် ပြည်တွင်းသို့ ငွေလွှဲခြင်းကို တရားဝင်ခွင့်ပြုပေးရန် စီစဉ်နေခြင်း

များ ရှိနေပြီး ဒေါ်လာအရောင်းအ၀ယ်ဈေးကွက်အတွင်း၌လည်း ဈေးမြင့်တက်ချိန်တွင်

အ၀ယ်သာရှိပြီး ပြန်လည်ရောင်းချခြင်းမရှိသော ငွေလဲကောင်တာများရှိလာသဖြင့်

အ၀ယ်ပိုမိုလိုက်လာပြီး အမေရိကန်ဒေါ်လာအား အမှန်တကယ်အသုံးပြုရန် လိုအပ်

နေသည့် ပြည်သူများအတွက် အခက်အခဲဖြစ်ပေါ်လာခဲ့သည်။

 

ထိုသို့ စည်းကမ်းသတ်မှတ်ချက် မလိုက်နာသည့် ငွေလဲကောင်တာများအား ဗဟို

ဘဏ်မှ ခေါ်ယူသတိပေးခြင်းများ ဆောင်ရွက်ခဲ့ရသလို သတိပေးချက်အား မလိုက်နာ

သည့် ငွေလဲကောင်တာများအား လိုင်စင်ပိတ်သိမ်းသည်အထိ အရေးယူဆောင်ရွက်

ရန် စီစဉ်ခဲ့ခြင်းများကြောင့် ဒေါ်လာဈေးအနည်းငယ် ပြန်လည်ကျဆင်းခဲ့ပြီး ဒီဇင်ဘာ

တတိယပတ် နောက်ဆုံးရက်များ၌ ၁၄၀၀ ၀န်းကျင်၌ အတက်အကျ ကွာဟချက်

အနည်းငယ်ဖြင့် ရပ်တည်လျက် ရှိနေပြီး ဈေးကွက်မတည်မငြိမ်ဖြစ်နေဆဲ ဖြစ်သည်။

နိုင်ငံခြားငွေ လဲလှယ်နှုန်း တည်ငြိမ်စေရန်အတွက် ဒီဇင်ဘာ တတိယပတ်အတွင်း

နေပြည်တော် ပြည်ထောင်စုဝန်ကြီးရုံး၌ စီမံကိန်းနှင့် ဘဏ္ဍာရေးဝန်ကြီး၊ ပြည်ထောင်စု

ဝန်ကြီး ဦးကျော်ဝင်း၊ စီးပွားရေးနှင့် ကူးသန်းရောင်းဝယ်ရေးဝန်ကြီး ပြည်ထောင်စု

ဝန်ကြီးဒေါက်တာဦးသန်းမြင့်၊ ဗဟိုဘဏ်ဥက္ကဌ ဦးကျော်ကျော်မောင်နှင့် အခြားဌာန

ဆိုင်ရာတာဝန်ရှိသူများက ငွေလဲလှယ်နှုန်း တည်ငြိမ်ရေးအတွက် ဆွေးနွေးဆောင်ရွက်

ခဲ့ပြီး သွင်းကုန်တင်သွင်းမှုကဏ္ဍတွင် ဇိမ်ခံပစ္စည်းများနှင့် အခြားမရှိမဖြစ် လိုအပ်ချက်

ရှိသည့်ပစ္စည်းများ တင်သွင်းမှုကို စိစစ်ခွင့်ပြုရန်၊ ဆက်သွယ်ရေးလိုင်စင်ရ ကုမ္ပဏီများ

အနေဖြင့်လည်း ပြန်လည်ရင်းနှီးမြှုပ်နှံမှုအတွက် ပြည်ပသို့ ငွေလွှဲဆောင်ရွက်နေမှုများအား

စိစစ်ရန်၊ ပို့ကုန်တင်ပို့မှုအပေါ် သင့်တင့်သည့် အခွန်နှုန်းများအား ဖြေလျော့ပေးရန်၊

ဇိမ်ခံပစ္စည်းများ တင်သွင်းနေမှုအပေါ် အခွန်တိုးမြှင့်ကောက်ခံရန်အတွက် သုံးသပ်ရန်နှင့်

ပို့ကုန်တင်ပို့နေသော ကုမ္ပဏီများအား ဘဏ်စာရင်းများ မှန်မှန်ကန်ကန်တင်ပြစေရန်နှင့်

မှန်ကန်စွာတင်ပြနိုင်ခြင်း မရှိသော ကုမ္ပဏီများအား အရေးယူဆောင်ရွက်ရန် ကိစ္စများ

ဆွေးနွေးခဲ့ကြသည်။

ကမ္ဘာ့ငွေကြေးဈေးကွက်အတွင်း အမေရိကန်ဒေါ်လာသည် တဖြည်းဖြည်း ပိုမိုခိုင်မာ

လာနေပြီး နိုင်ငံအများစု၌လည်း အမေရိကန်ဒေါ်လာဈေးကွက်ကောင်းမွန်၍ မြန်မာ

နိုင်ငံနည်းတူ မိမိတို့ငွေကြေးတန်ဖိုးကျဆင်းမှုများအား ကြုံတွေ့လျက် ရှိနေသော်လည်း

ဒေါ်လာဈေးမြင့်တက်မှုကို အခွင့်ကောင်းယူ လုပ်ဆောင်နေမှုများ၊ ပြည်တွင်း၌ တရားမ၀င်

လမ်းကြောင်းများမှ ၀င်ရောက်လည်ပတ်နေသော ဒေါ်လာငွေကြေးများကြောင့် ပြည်တွင်း

ငွေကြေးဈေးကွက်မှာ ထိန်းချုပ်ရန် ခက်ခဲရှုပ်ထွေးမှုများ ရှိနေကြောင်း သိရသည်။

 

ကုန်ထုတ်လုပ်မှုတိုးမြှင့်ခြင်းနှင့် ပို့ကုန်တိုးမြှင့်ရေး အစီအစဉ်များအား အကောင်အထည်

ဖော် ဆောင်ရွက်ခြင်းဖြင့် လာမည့်ကာလများတွင် နိုင်ငံခြားငွေပေးငွေယူ ရှင်းတန်းများ

အခြေအနေ ကောင်းမွန်လာပြီး နိုင်ငံခြားသုံးငွေ ၀ယ်လိုအားနှင့် ရောင်းလိုအား မျှတလာပါက 

ကျပ်ငွေတန်ဖိုးခိုင်မာလာနိုင်ကြောင်း ဗဟိုဘဏ်မှ တာဝန်ရှိသူတစ်ဦးက ပြောကြားသည်။

ပြည်တွင်း၌ နိုင်ငံခြားဘဏ်များအား လွတ်လပ်စွာလုပ်ကိုင်ခွင့်ပေး၍ အသေးစားနှင့်

အလတ်စား စီးပွားရေးလုပ်ငန်းရှင်များအား ပိုမိုအထောက်အပံ့ပေးနိုင်ပါကလည်း ငွေကြေး

ကဏ္ဍ အထွေထွေ ပြဿ နာများ လျော့ပါးနိုင်ကြောင်း လုပ်ငန်းရှင်တစ်ဦးက သုံးသပ်

ပြောကြားသည်။

ယခုတပတ်အတွင်း ကမ္ဘာ့ဘဏ်မှနေ၍ မြန်မာနိုင်ငံအတွင်း ခိုင်မာသည့် ငွေရေးကြေးရေး

ကဏ္ဍတစ်ခု အကောင်အထည်ဖော်ဆောင်နိုင်ရန် ရည်ရွယ်ပြီး ဘဏ်လုပ်ငန်းဝန်ဆောင်မှုများ

တိုးချဲ့ရန်၊ အသေးစားချေးငွေဝန်ဆောင်မှုများနှင့် အာမခံလုပ်ငန်းများအတွက်လည်း

အထောက်အကူဖြစ်စေရန် ရည်ရွယ်ပြီး ကမ္ဘာ့ဘဏ် အပြည်အပြည်ဆိုင်ရာ ဖွံ့ဖြိုးရေးအဖွဲ့

ရန်ပုံငွေမှ ဒေါ်လာသန်း ၁၀၀ အား နှစ်ရှည်ချေးငွေ ပေးအပ်မည်ဟု သတင်းထုတ်ပြန်ခဲ့သည်။

 

ဒေါ်လာဝယ်လိုအား သိသိသာသာ ကျဆင်းလာခြင်း၊ သွင်းကုန်တင်သွင်းသူများမှ အ၀ယ်

ရပ်ဆိုင်းထားခြင်းကြောင့် demand ကျလာခြင်း၊ ပြည်ပရှိ အလုပ်လုပ်ကိုင်သူများမှ ပြည်တွင်း

သို့ လွှဲငွေများအား တရားဝင် ခွင့်ပြုရန် စီစဉ်နေခြင်း၊ ပြည်ပပို့ကုန်များ ပိုမိုတင်ပို့လာနိုင်စေ

နိုင်မည့် ဈေးကွက်များ ရှိနေခြင်းစသည်တို့ကြောင့် ဒေါ်လာဈေး ပြန်လည်ကျဆင်းလာရန်

အတွက် အလားအလာများ ရှိနေကြောင်း စီးပွားရေးလုပ်ငန်းရှင်များက သုံးသပ်ပြောကြားလျက်

ရှိသည်။

 

Property Media Team

www.Property.com.mm

Facebook comments