မိုးကုတ်မြို့ရှိ အမှိုက်ပုံကို နေရာရွှေ့ပြောင်းရန် မြေနေရာအခက်အခဲရှိဟုဆို

javascript

မိုးကုတ်မြို့တစ်မြို့လုံး အသုံးပြုစွန့်ပစ်နေသော အမှိုက်ပုံကို မြို့နေပြည်သူလူထုနှင့် ဝေးကွာသည့်နေရာသို့ ပြောင်းရွှေ့နိုင်ရန် မြေနေရာအခက်အခဲရှိနေကြောင်းသတင်းရရှိသည်။

အဆိုပါ အမှိုက်ပုံအကျယ် အဝန်းသည် သုံးဧကခန့်ရှိပြီး မြို့နေပြည်သူလူထုနှင့် အရမ်းနီးကပ်နေခြင်း၊ သုသာန်များအနီးတွင် ရှိခြင်း၊ ထွက်ရှိလာသော အမှိုက်များကို မီးရှို့ရသည့်စနစ်ဖြင့် ဖျက်ဆီးရသောကြောင့် မြို့နေလူထုများ ကျန်းမာရေးထိခိုက်မှုများ စိုးရိမ်ရခြင်းနှင့် သဘာဝပတ်ဝန်း ကျင်ထိခိုက်ခြင်းအပါအဝင် အနံ့ ဆိုးများ ထွက်ပေါ်နေသည်ကို တိုင်ကြားစာ ပေးပို့မှုများရှိနေကြောင်း မိုးကုတ်မြို့နယ် စည်ပင်သာယာရေးကော်မတီဥက္ကဋ္ဌ ဦးဝင်းတင့်က ပြောသည်။

‘‘လက်ရှိ အသုံးပြုနေတဲ့ အ မှိုက်ကျင်းက အမှိုက်စွန့်ပစ်ဖို့နေ ရာမကျန်တော့ဘူးဖြစ်နေတယ်။ မြို့နေလူထုနဲ့လည်း အရမ်းနီးကပ်နေတဲ့အတွက်ကြောင့် ပြောင်းရွှေ့မှရတော့မှာ။ ဒါပေမဲ့ မြေနေရာကအခက်အခဲရှိနေသေးတယ်။ ကျွန်တော်တို့ မြို့နေလူထုနဲ့ တိုင်ပင်ပြီး အမှိုက်ကျင်းရွှေ့မယ့်နေရာကို တိုင်းဒေသကြီး အစိုးရအဖွဲ့ကို တင်ပြထားပါတယ်။ ဒါပေမဲ့ အဲဒီနေရာကိုလည်း အစိုးရအဖွဲ့က ကန့်ကွက်ထားတဲ့အတွက် အဆင်မပြေဘူး ဖြစ်နေတာပါ။ မြေနေရာလေးကို အစိုးရက အဆင်ပြေပြေလုပ်ပေးရင်တော့ ပိုကောင်းပါ တယ်’’ဟု ဦးဝင်းတင့်က ပြော ကြားသည်။

မိုးကုတ်မြို့တွင် လက်ရှိလူ ဦးရေ နှစ်သိန်းခန့်ရှိပြီး တစ်ရက် လျှင် အမှိုက်တန်ချိန် ၂၀ ခန့်ထွက်ရှိကာ အမှိုက်ကား ငါးစီးနှင့် ဝန်ထမ်းအင်အား ၁၆ ဦးခန့်ဖြင့် ဆောင်ရွက်နေကြောင်း စည်ပင် သာယာရေးကော်မတီမှ စုံစမ်းသိ ရသည်။

အဆိုပါ နေ့စဉ်ထွက်ရှိသည့် အမှိုက်များထားရှိမည့် အမှိုက်ပုံ နေရာကို မြို့နှင့် ခုနစ်မိုင်ခန့်ဝေး သည့် မိုးကုတ်နှင့် မိုးမိတ်မြို့ကြား ရှိ မြေဧက ၂၀၀ ခန့်ရှိနေရာတွင် ထားရှိရန် မြို့နယ်လူထုနှင့်ပူး ပေါင်းကာ စည်ပင်သာယာရေး ကော်မတီက မန္တလေးတိုင်းဒေသ ကြီး အစိုးရအဖွဲ့ထံသို့ ဩဂုတ် အတွင်းကစတင်၍ နှစ်ကြိမ်တိုင်  စာတင်ပြ တောင်းခံထားသော် လည်း သဘောမတူဘဲ ကန့်ကွက်စာသာ ပြန်ကြားထားကြောင်း သတင်းရရှိသည်။

လက်ရှိတွင် စည်ပင်သာယာ အနေဖြင့် အမှိုက်သိမ်းစနစ် အ လွန်အားနည်းနေကြောင်း၊ အ မှိုက်ပုံပြုလုပ်ရန် တောင်းခံထား သည့် မြေနေရာသစ်ရရှိပါက ပြည်သူလူလုကို အမှိုက်အစိုအခြောက် စနစ်တကျ ခွဲခြားတတ်အောင် ပညာပေး၍ လျှပ်စစ်မီးထုတ်လုပ် နိုင်ရန် ကုမ္ပဏီများနှင့် ချိတ်ဆက်ဆောင်ရွက်ရန် စီစဉ်ထားကြောင်း ဦးဝင်းတင့်က ပြောသည်။

‘‘အခုပြောင်းမယ်လုပ်နေတဲ့ နေရာက မြို့နဲ့အလှမ်းဝေးတဲ့အ တွက် အတော်အဆင်ပြေတယ်။ အခု အသုံးပြုနေတဲ့ အမှိုက်ကျင်း ကတော့ မြို့နဲ့အတော်ကလေးကို နီးကပ်နေပါတယ်။ အမှိုက်တွေ မီးရှို့တဲ့အချိန်ဆိုရင် မကောင်းတဲ့ အနံ့တွေရတတ်လို့ ကျန်းမာရေး အတွက် စိုးရိမ်ရပါတယ်။ ဘာပဲ ဖြစ်ဖြစ် မြေနေရာလေးကို အစိုးရ အဖွဲ့က သတ်မှတ်ပေးမယ်ဆိုရင် တော်တော် အဆင်ပြေနိုင်ပါ တယ်’’ဟု မိုးကုတ်မြို့ခံ ဦးအောင် ကျော်မိုးက ပြောသည်။

မိုးကုတ်မြို့နယ် စည်ပင် သာယာရေးကော်မတီက အမှိုက်ကျင်းရွှေ့ပြောင်းနိုင်ရန် မြေနေရာ ကို မြို့လူထုနှင့် ပူးပေါင်းပြီး တိုင်း ဒေသကြီး အစိုးရအဖွဲ့ထံသို့ ဆက်လက်တင်ပြတောင်းခံမည်ဖြစ် ကြောင်း သတင်းရရှိသည်။

‘‘တိုင်းအစိုးရအနေနဲ့ ကန့် ကွက်တဲ့သဘောမျိုးမဟုတ်ဘူး။ လျှောက်ထားတဲ့ ဧက ၂၀၀ က သစ်တောဧရိယာထဲပါနေတယ်။ အမှိုက်ပုံလုပ်တဲ့ကိစ္စတစ်ခုတင် မဟုတ်ဘူး။ တခြားမြို့ပြဖွံ့ဖြိုးတိုး တက်ဖို့အတွက် ပါတယ်လို့ ပြော တယ်။ ဒါကြောင့် တိုင်းအဆင့်နဲ့ ဆုံးဖြတ်လို့မရတဲ့အတွက် ပြည် ထောင်စုအဆင့်က ဆုံးဖြတ်ရမှာ ဖြစ်ပါတယ်။ တိုင်းအစိုးရအနေနဲ့ ကတော့ ဒီနေရာကို သင့်တော် တယ်လို့ မှတ်ချက်ပေးထားတယ်’’ဟု မန္တလေးတိုင်းဒေသကြီး အစိုးရအဖွဲ့ သစ်တောနှင့် သယံဇာတ ဝန်ကြီး ဦးမျိုးသစ်က ပြောသည်။

Source : 7day Daily

Facebook comments