အငှားအိမ်ရာအတွက် စည်းကမ်းသတ်မှတ်ချက် လိုအပ်နေ

javascript
အခြေခံလူတန်းစားတွေ အဓိက နေထိုင်နိုင်ဖို့ ဆောက်လုပ်နေတဲ့ အငှားအိမ်ရာတွေမှာ နေထိုင်ကြမယ့် သူတွေအတွက် စည်းမျဉ်းစည်းကမ်းတွေနဲ့ လုပ်ထုံးလုပ်နည်းတွေကို ပြည်နယ်နဲ့တိုင်းအလိုက်မဟုတ်ဘဲ တစ်နိုင်ငံလုံးအလိုက် တူညီတဲ့ စည်းမျဉ်းတွေ ဖြစ်ပေါ်လာနိုင်ဖို့ဆောင်ရွက်ဖို့ လိုအပ်နေတယ်လို့ ဆောက်လုပ်ရေးဝန်ကြီးဌာန မြို့ပြနှင့်အိမ်ရာဖွံ့ဖြိုးတိုးတက်ရေး ဦးစီးဌာနက သိရပါတယ် ။

‘အခုပြောနေကြတဲ့ အငှားအိမ်ရာ နေထိုင်ခွင့်ကို ငါးနှစ်ပဲ နေထိုင်ဖို့ သတ်မှတ်သွားမယ်ဆိုတာက အဲဒီအိမ်မှာ လာရောက်နေကြမယ့် အခြေခံလူတန်းစားတွေကို သားစဉ်မြေးဆက်ပိုင်ဆိုင်တယ်ဆိုတဲ့ အသိမျိုးမဝင်ဘဲ ကြိုးစားပြီး ပိုကောင်းတဲ့အိမ်ရာတွေမှာ ပြောင်းနိုင်အောင် ဝင်ငွေနဲ့ကိုက်ညီတဲ့ အိမ်ရာတွေကို လူတန်းစားအလိုက် နေထိုင်နိုင်ဖို့ တစ်သမတ်တည်း အပြီး မဖြစ်အောင် စီစဉ်ထားတာပါ’ လို့ မြို့ပြနှင့်အိမ်ရာဖွံ့ဖြိုးမှု ဦးစီးဌာနက တာဝန်ရှိသူတစ်ဦးက ပြောပါတယ်။

အောက်ခြေပြည်သူတွေ ရည်ရွယ်

အငှားအိမ်ရာ နေထိုင်ခွင့်နဲ့ ပတ်သက်ပြီး ကျူးကျော်နေထိုင်သူတွေနဲ့ အောက်ခြေပြည်သူတွေ အဓိက လာရောက်နေထိုင်နိုင်ဖို့ ရည်ရွယ်တာဖြစ်ပြီး အဲသည်လိုအိမ်ရာတွေက တစ်ဆင့်ရရှိတဲ့ ဝင်ငွေအလိုက် ပိုမိုကောင်းမွန်တဲ့ အိမ်ရာတွေကို ဝယ်ယူလာနိုင်ဖို့ ရည်ရွယ်ပါတယ် ။

အငှားအိမ်ရာကို အစိုးရရဲ့ ဘတ်ဂျက်နဲ့သာ ဆောက်လုပ်အကောင်အထည်ဖော်တာဖြစ်လို့ လာရောက်နေထိုင်ခွင့် ရရှိသူတွေ ပေးရတဲ့ အိမ်ငှားခ
ဈေးနှုန်းတွေက အိမ်ရာတွေကို ပြန်လည်ထိန်းသိမ်းပြုပြင်ဖို့သာ အသုံးပြုကြတာဖြစ်ပါတယ် ။

အခုနောက်ပိုင်း အိမ်ရာငှားရမ်းနေထိုင်နိုင်တဲ့ နှစ်ကို ငါးနှစ်သတ်မှတ်ထားပေမဲ့ မိသားစု ဝင်ငွေတိုးတက်မှု မရှိတဲ့ မိသားစုတွေကိုတော့ နောက်ထပ်သတ်တမ်းတိုးပြီး နေထိုင်ခွင့်တွေ ပေးသွားမှာ ဖြစ်ပါတယ်။

အရင်က ဆောက်လုပ်အကောင်အထည်ဖော် ဆောင်ရွက်ခဲ့တဲ့ ပြည်သူ့အိမ်ရာစီမံကိန်းတွေမှာ နေထိုင်ခွင့်နဲ့ပတ်သက်ပြီး နှစ်အကန့်အသတ်မရှိဘဲ နေထိုင်ခွင့်ပေးတာကြောင့် ၁၅ နှစ်ထက်ကျော်လွန်လာတဲ့ နေထိုင်သူတွေက မိသားစုဝင်ငွေကို မကြည့်ရှုတော့ဘဲ သားစဉ်မြေးဆက်ပိုင်ဆိုင်နိုင်ဖို့ အခွင့်အရေးတွေ တောင်းဆိုလာကြတာဖြစ်ပါတယ်။

‘အိမ်ရာနေထိုင်ခွင့်အများစုက ၁၅ နှစ်လောက်သက်ကြာသွားရင် ပတ်ဝန်းကျင် right ရသွားပြီး လုပ်ပိုင်ခွင့်ကို အပြည့်အဝတောင်းဆိုတာကြတယ် ၊ တချို့အိမ်ရာတွေဆိုရင် အစိုးရဘက်ကပြန်အဆင့်မြှင့်တင်ဖို့  ညှိနှိုင်းတာတောင် တော်တော်အချိန်ယူရတာတွေရှိတယ်’ လို့ အဆိုပါ တာဝန်ရှိသူကပဲ ဆက်လက်ရှင်းပြပါတယ်။

လက်ရှိမှာတော့ အငှားအိမ်ရာ ဆောက်လုပ်အကောင်အထည်ဖော်ဖို့ ဘတ်ဂျက် ၄၆ ဘီလျံချထားပြီး လူဦးရေ သိပ်သည်းဆ အလိုက်ပြည်သူ့အငှားအိမ်ရာတွေကို ဆောက်လုပ်ဖို့ နေရာနဲ့ ဘတ်ဂျက်ချထားပေးတာဖြစ်ပါတယ်။

Source: The Kumudra

Facebook comments