ဂျပန်-မြန်မာ နှစ်နိုင်ငံအကြား အခြေခံအဆောက်အအုံဆိုင်ရာစီမံကိန်းများ၊ မူဝါဒများနှင့်ပတ်သက်သည့် ဆွေးနွေးပွဲကျင်းပ

javascript

ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဝင်းခိုင် ဦးဆောင်သော ကိုယ်စားလှယ်အဖွဲ့သည် ဂျပန်နိုင်ငံ တိုကျိုမြို့တွင် သြဂုတ် ၂၈ ရက်မှ စက်တင်ဘာ ၂ ရက်အထိ ကျင်းပသည့် ဂျပန်-မြန်မာ နှစ်နိုင်ငံအကြား အခြေခံအဆောက်အအုံဆိုင်ရာ စီမံကိန်းများ၊ မူဝါဒများ နှင့် ပတ်သက်သည့် ဆွေးနွေးပွဲသို့တက်ရောက်ခဲ့သည်။

ပြည်ထောင်စုဝန်ကြီးနှင့်အဖွဲ့သည် သြဂုတ် ၂၉ ရက် ဒေသစံတော်ချိန် နံနက် ၁၁ နာရီတွင် ဂျပန်နိုင်ငံခြားရေး ဝန်ကြီး Mr. Fumio Kishida နှင့်တွေ့ဆုံပြီး နှစ်နိုင်ငံ လမ်း၊ တံတားဆိုင်ရာကိစ္စများ၊ အိမ်ရာတည်ဆောက်ရေးကိစ္စ ရပ်များနှင့် မြန်မာနိုင်ငံ ပုဂံဒေသရှိ ငလျင်ဒဏ်ခံရသော စေတီပုထိုးများ၊ ဘုရားများပျက်စီးမှုတွင် အကူအညီပေး ရေးဆိုင်ရာကိစ္စရပ်များ၊ ဆောက်လုပ်ရေးဝန်ကြီးဌာနနှင့် ဂျပန်ကုမ္ပဏီတို့ အကျိုးတူဆောင်ရွက်နေသော လုပ်ငန်းများတွင် တင်ဒါများဝင်ရောက်လုပ်ကိုင်ခွင့်ရရှိရေးနှင့် ပတ်သက်၍ ရင်းနှီးပွင့်လင်းစွာ ဆွေးနွေးကြသည်။

ထို့နောက် ဂျပန်နိုင်ငံ Ministry of Land lnfrastructure Transport and Tourism (MLIT)မှ ဝန်ကြီး Mr.Keiichi ISH11 နှင့်တွေ့ဆုံ၍ ဂျပန်နိုင်ငံမှ ဆောင် ရွက်ပေးနေသော လမ်း၊ တံတားဆိုင်ရာကိစ္စများ၊ မြန်မာနှင့် အကျိုးတူပူးပေါင်းဆောင်ရွက်နေသော ဂျပန်ကုမ္ပဏီများ၏ လုပ်ဆောင်ချက်တို့နှင့် ပတ်သက်၍ဆွေးနွေးကြသည်။

ဆက်လက်၍ ပြည်ထောင်စုဝန်ကြီးသည် ဂျပန်နိုင်ငံရှိ Over Seas Construction Association of Japan Inc မှတာဝန်ရှိသူများနှင့် တွေ့ဆုံ၍ ဆောက်လုပ်ရေး ဝန်ကြီးဌာနမှ ဆောင်ရွက်သော လမ်း၊ တံတားများ၊ မြို့ပြ အိမ်ရာတည်ဆောက်ခြင်းလုပ်ငန်းများ၊ အကျိုးတူပူးပေါင်း ဆောင်ရွက်နေသော ကုမ္ပဏီများ၏ လုပ်ငန်းဆောင်ရွက် ချက်များ၊ ဥပဒေများ၊ NGO အဖွဲ့များနှင့် ပူးပေါင်းဆောင် ရွက်နေမှုများအား ရှင်းလင်းပြောကြား၍ OCAJI မှ သိလိုသည်များကိုမေးမြန်းရာ ပြည်ထောင်စုဝန်ကြီးက ပြန်လည်ရှင်းလင်းပြောကြားသည်။

သြဂုတ် ၃ဝ ရက် ဒေသစံတော်ချိန် နံနက် ၉ နာရီတွင် ပြည်ထောင်စုဝန်ကြီးနှင့်အဖွဲ့သည် ဂျပန်နိုင်ငံ Metropolitan Express Way တည်ဆောက်နေမှုအခြေအနေတို့ကို ကြည့်ရှုလေ့လာပြီး Harumi Island Triton Square (UR Redevelopment Project) ရုံးခန်းသို့ သွားရောက် ပြီး မြို့ပြပြန်လည်ဖွံ့ဖြိုးတိုးတက်ရေးဆိုင်ရာ ဆောင်ရွက် ထားရှိမှုတို့ကို ကြည့်ရှုလေ့လာခဲ့သည်။ ဆက်လက်၍ IHI ကုမ္ပဏီမှ ဥက္ကဋ္ဌ Mr. Tsugio Mitsuoka နှင့် တွေ့ဆုံ ၍ ဆောက်လုပ်ဝန်ကြီးဌာနနှင့် IHI ကုမ္ပဏီတို့ ပူးပေါင်း ဆောင်ရွက်နေသည့် စက်ရုံလုပ်ငန်းများနှင့်ပတ်သက် ၍ ဆွေးနွေးကြသည်။

ထို့နောက် Kajima မှ တာဝန်ရှိသူများနှင့် တွေ့ဆုံပြီး ဂျပန်နိုင်ငံရှိ လမ်း၊ တံတားများနှင့် အဆောက်အအုံများအား ငလျင်ဒဏ်ခံနိုင်စေရန် စီမံဆောင်ရွက်ထားရှိမှုနှင့် မြို့ပြဖွံ့ဖြိုးရေးဆိုင်ရာ အိမ်ရာတည်ဆောက်နေ မှုတို့နှင့် ပတ်သက်၍ ရှင်းလင်းပြသပြီး စီမံကိန်းလုပ်ငန်းများအား လိုက်လံကြည့်ရှုလေ့လာသည်။ ဆက်လက်၍ ညနေ ၄ နာရီတွင် Marunouchi andYaesu area ရှိ Expressway တို့နှင့်ပတ်သက်၍ Video ဖြင့် ရှင်းလင်းပြသမှုတို့ကို ကြည့်ရှုသည်။ ဆက်လက်၍ CODE and JMHU မှ တာဝန်ရှိသူများနှင့် တွေ့ဆုံပြီး ဆောက်လုပ်ရေးဝန်ကြီး ဌာနမှ ဆောင်ရွက်သောလုပ်ငန်းများနှင့် ပတ်သက်၍ ရှင်းလင်းသည်။

Source:MOI Webportal Myanmar

Facebook comments